Rendas financeiras

12/1/10

Nestes días estamos a estudiar as rendas a interese composto. Nestas ligazóns podes atopar información sobre unha presentación de conceptos básicos e distintas funcións de excel para rendas.

Concepto de renda e clasificación
Excel financeiro. Funcións de excel que utilizaremos no estudio das rendas.

Proba avaliación inicial Xestión Financeira

22/10/09

Neste día imos facer unha proba inicial do módulo de Xestión Financeira, que nos permitirá avaliar coñecementos básicos sobre os primeiros temas do citado módulo. A cualificación será meramente informativa e non influirá na nota da avaliación.

Si non recibiche un correo electrónico coa proba preme na seguinte ligazón http://spreadsheets.google.com/viewform?formkey=dC1SRU1fc3B2NUQ0eFFfTXkzeUNFbXc6MA

Introducción Xestión Financeira

21/9/09

Ata dentro duns días non teredes o libro de texto, polo que vos deixo unha pequena presentación sobre o primeiro tema do módulo nesta ligazón.

Presentación Xestión Financeira

19/9/09

Achégovos a presentación do módulo de Xestión Financeira que analizaremos o vinderio luns día 21. Tamén podedes descargar o arquivo en powerpoint nesta ligazón.

Módulo Xestión Financeria pendentes

17/9/09

Os alumnos e alumnas que teñen o módulo de Xestión Financiera pendente, teñen nesta ligazón todo o relativo a actividades, probas, temporalización...

Empréstitos

24/5/09

Os empréstitos xorden cando as necesidades de financiamento son tan elevadas que resulta difícil obter os fondos dun só acredor. Por iso óptase por fraccionar a débeda en pequenos préstamos, representados en títulos, que son subscritos por un número elevado de prestamistas (obligacionistas ou bonistas). Así, pódese definir o empréstito como un macro-préstamo de contía elevada que para facilitar o concurso de moitos acredores divídese en partes iguais, as cales se instrumentan en títulos. Podes descargar a seguinte presentación da seguinte ligazón.

View more OpenOffice presentations from gatoroca.

Cualificacións

17/4/09

Achégoche o arquivo que contén a cualificación da proba de xestión financeria que realizaches no día de hoxe, correspondente á segunda avaliación. De acordo co falado necesitas unha clave para poder descomprimir o citado ficheiro.

Cualificacións proba Excel 2ª avaliación

21/3/09

Achégovos á seguinte ligazón a proba de Excel correxida, correspondente á segunda avaliación de Xestión Financeira realizada o pasado día dezaoito de marzo. Para poder descomprimir o arquivo que contén a proba, necesitas unha clave que aparece no menú CUALIFICACIÓNS deste blog.

28/2/09

Visual Basic para Aplicacións (VBA) é unha lingüaxe de programación derivado de Visual Basic. Emprégase para automatizar procesos en Microsoft Office. Con esta lingüaxe pódense ampliar moito as funcións existentes nos programas de Office con outras moito máis elaboradas e personalizadas, según as necesidades do usuario. Como estamos vendo, Excel inclúe unha gran cantidade de fórmulas financeiras que podemos usar na folla de cálculo, pero ás veces pode que te vexas obrigado a diseñar as túas própias mediante o código VBA.
No caso das rendas necesitaremos crear varias fórmulas, sobre todo no relativo ás rendas variables en progresión aritmética e xeométrica. A continuación achégovos un pequeno manual que vos axudará en todo o proceso de diseño e elaboración das citadas fórmulas.

Solución exercicios e actividades de repaso

Achégovos de acordo co falado as solucións en Excel a algúns dos exercicios dos temas 8 e 9, ás seguintes ligazóns:
Solución exercicios rendas anuais constantes tema 8.
Solución exercicios rendas constantes fraccionadas tema 9.
De igual xeito, e a petición vosa, achego para que resolvades as seguintes actividades de repaso:
Actividades repaso rentas constantes anuais.
Actividades repaso rendas constantes fraccionadas 1.
Actividades repaso rendas constantes fraccionadas 2.

Criterios selección investimentos

15/2/09

.

Un investimento pódese definir como "aquel acto mediante o cal ten lugar o cambio dunha satisfacción inmediata e certa á que se renuncia, por unha esperanza que se adquire e da cal o ben invertido é o soporte". Dito de outra forma, supón renunciar a uns recursos dos que se pode disfrutar agora, por unha esperanza de recompensa futura. Exemplos: abrir unha nova planta de producción, comprar unha nova máquina, renovar as instalacións.

Funcións VNA.NO.PER e TIR.NO.PER

14/2/09

As funcións VNA e TIR permiten calcular o Valor Actual Neto e Taxa Interna de Retorno, respectivamente, dunha inversión cando os vencimentos son periódicos. Cando os vencimentos non son periódicos utilízanse as funcións VNA.NO.PER e TIR.NO.PER. O funcionamento delas explícase no seguinte comentario. Asimesmo, neste libro de Excel están as solucións aos exemplos 279-282 do noso libro de texto sobre as mesmas.

A función SI() de Excel

20/1/09

A función =SI( ) é unha das máis potentes que ten Excel. Esta función comproba se unha condición se cumpre. Se esta se cumpre, dá como resultado VERDADEIRO. Se a condición non se cumpre, dá como resultado FALSO.

Obseva a sintaxe:

=SI(Condición;Verdadeiro;Falso)

Esta é a forma máis simple de representar esta función. Imos propor un exemplo aplicado ao estudio das rendas anuais constantes, temporais, inmediatas e postpagables a interese composto.

Buscar obxectivo de Excel

14/12/08

Buscar obxectivo é parte dunha serie de comandos denominados ferramentas de análises. Ten aplicación no caso de que coñezamos o resultado desexado dunha fórmula, pero non a variable que determina o resultado. Ao realizar Buscar obxectivo, Excel varía o valor de cela específica ata que unha fórmula dependente da devandita cela devolve o resultado desexado, en realidade o que fai é unha iteración.

Preme da seguinte ligazón para ver uns exemplos desta importante ferramenta de Excel.

Equivalencia financeira con Solver

9/12/08

Solución ao exercicio 23 da páxina 148 do tema, Desconto de efectos, do módulo de Xestión Financeira.
Exercicio de equivalencia financeira en capitalización simple con Solver.

A ferramenta Solver de Excel

Solver é unha das ferramentas máis potentes de Excel, xa que permite acha-la mellor solución a un problema, modificando valores e incluíndo condicións ou restricións. Nosoutros empregarémola para resolver determinados problemas de xestión financeira (sustitución de efectos, tanto de interese que fai equivalentes varios capitais...). Nesta ligazón hai un pequeno problema con Solver que che axudará a comprender o seu funcionamento.

Letras do Tesouro

1/12/08

¿Que son as letras do tesouro?
Son valores de renda fixa a curto prazo que emite o Estado para financiarse, representados exclusivamente mediante anotacións en conta. Creáronse en xuño de 1987, cando se puxo en funcionamento o Mercado de Débeda Pública en Anotacións. Podes acceder a unha presentación en power point que che axudara a comprender mellor este instrumento financeiro.

Actividade Letra de cambio

Nestes días imos empezar a resolver unha actividade de desconto comercial a través dunha Webquest. Pero, que é unha Webquest?.
Unha das actividades máis correntes efectuadas polos alumnos en Internet é a busca de información, a miúdo con axuda dos motores de busca como Google, Yahoo, etc.
Sen embargo, estas investigacións son actividades difíciles que toman moito tempo e que poden resultar frustrantes se os obxectivos non son reflectidos claramente e explicados ao principio.
WebQuests son actividades estruturadas e guiadas que evitan estes obstáculos proporcionando aos alumnos unha tarefa ben definida, así como os recursos e as consignas que lles permiten realizalas. En lugar de perder horas en busca da información, os alumnos se apropian, interpretan e explotan as informacións específicas que o profesor lles asigna.Investigar na Web é sinxelo e de simple aplicación, xa que é fácil de realizar e permite que tanto novatos como expertos en Internet participen. Investigando na web incorpórase aos estudantes en tarefas efectivas, estimula á colaboración e discusión, e é de fácil integración no currículo escolar. O profesor debe suxerir un tema de exploración e apuntar a algúns sitios da Web onde o alumno ira a buscar a información que necesita.
A medida que os docentes van familiarizándose coa web e os mecanismos de busca, e aprenden a desenvolver estratexias de optimización de seu saber a través da comunicación, busca e procesamento de información, pasan a propoñer témalos e os alumnos van buscar só as solucións. No último estado de total autonomía, os estudantes poden propoñer temas de interese ao profesor que pasa a elixir entre eles o que sexa máis conveniente para a aprendizaxe persoal e do grupo.
A das WebQuest, é unha estratexia didáctica na que os alumnos (desde metade de primaria ata universidade) son os que realmente constrúen o coñecemento que logo van aprender. Si se lles organíza en grupos, si se lles asígnan roles e teñen que elaborar un produto que vai a partir dunha presentación, ou un documento, ata unha escenificación teatral ou un guión radiofónico, etc., representando o máis axustado posible as distintas posturas dos roles. É un deseño moi prometedor.Isto é non soamente unha nova maneira para que os profesores enseñen tamén é unha nova maneira para que os alumnos aprendan.
Preme eiqui para ir a webquest de desconto comercial, para saber o que tes que facer

Letra de cambio

A letra de cambio é un documento mercantil polo que unha persoa, librador, ordena a outra, librado, o pago dunha determinada cantidade de diñeiro, nunha data determinada ou de vencimiento.
O pago da letra de cambio pódese realizar ao librador ou a un terceiro chamado beneficiario, tomador ou tenedor, a quen o librador transmitiu ou endosado a letra de cambio.
No seguinte enderezo podes atopar información sobre a letra de cambio e na presentación uns esquemas sinxelos que che axudarán a entender a mecánica deste documento mercantil.

As funcións VAN e TIR

24/11/08

As funcións VNA e TIR permiten calcular o Valor Actual Neto e Taxa Interna de Retorno, respectivamente, dun investimento cando os vencimentos son periódicos.

VNA

Calcula o valor actual dun investimento a partir dunha taxa de xuro e unha serie de pagos (valores negativos) e cobros (valores positivos).
Sintaxe
VNA(taxa;valor1;valor2; …)
Taxa é a taxa de xuro ao longo do período.
Valor1, valor2, … son de 1 a 29 argumentos que representan os pagos e cobros.

TIR

A Taxa interna de retorno equivale a taxa de interese producida por un proxecto de investimento con pagos e cobros que ocorren en períodos regulares
Sintaxe
TIR(valores;estimar)
Valores é unha matriz de celdas que conteñen os números para os que se desexa calcular a taxa interna de retorno.
Estimar é un número que o usuario estima que se aproximará a TIR. É un campo optativo.
No seguinte video titorial podes ver a través dun exemplo como funcionan as dúas funcións de Excel.